المصدر

728

” أثبتت آخر دراسات مركز سيمنز هوبكنز للابحاث التابع لجامعة هارفارد انه توجد كروموسومات من الـ DNA الخاص بشعوب الشرق الأوسط مختلف عن غيره من الشعوب وهو مسؤول عن التصرفات الجماعية الغير إرادية NEA والذي تعزى اليه معظم مشاكل المنطقة وشعوبها وخصوصا اللاجئين 

كوني عم استفتح حديثي بمقولةاثبتت الدراساتوقول اسم مركز ممكن يكون خيالي وممكن يكون صحيح فقط لاثبات اي شي تاني خاطئ يلي هي العبارة .. يعني استفتاحية لعدة النصب ..

كليوم أول ما نفتح عيوننا منركد ع النت لنشوف مواقع التواصل الاجتماعي والاخبار ومنغرق بالعناوين الطنانة وفيديوهات الجهابذ والسلبات العلمية وأشكال ألوان !! (غير غروبات الواتس اب)

وكتير من الأحيان منتأثر بالشي يلي عم نشوفو وممكن كتير نتبنى آراء ع شغلات سمعناها ..

الموضوع بسيط .. أي موضوع بدون مصدر أو شي مبني ع دراسة وشهادات عليا وخبرة مع حجة بينة بكل بساطة منطلب منك تنساه او تخبر صاحب المنشورهات المصدر“ او بصير متلو متل الحكايات الشعبية وسلبات أبو عنتر

حتى لو شفت فيديو لشخص واقف ع مسرح أو قاعد ولابس بدلة وشكلو محترم لا يعني انو كلامو صحيح لانو يوحي بهل الشي ..

من فترة شفت فيديو لشخص عم يلقي محاضرة عن السلوكيات والتربية, يعني كلامو اكتر من خطير وكلو تخبيص وبدون أدلة علمية واضحة ومفهومة .. بس لانو مسمي حالو دكتور ما بعرف شو فهل الشي يعني انو بيعرف شو عم يحكي, والمصيبة كانت تعليقات الناس يلي اخدت ع كلامو !! كتبتلو بالتعليقات ممكن رابط الدراسات يلي حكيت عنها ومتعمد عليها ما رد .. وغالبا مالح يرد

الخلاصة الموضوع ببساطة خفيف و نضيف ما بياخد من وقتك غير دقيقة وحدة بس 

اي دقيقة وحدة بس قبل ما تحط لايك و تعمل شير لأي موضوعتبلي غيركبس يا ريت تسأل عن مصدره ! مو صعبة كتير يعني بس تقرا أي معلومة أو خبرية شو ما كانت بس #اطلب_المصدر مو أكتر

لا تخلي حدا يخدعك و يعطيك اي كلام دائماً اتأكدوا بنفسكون من كل شي .. ما عرفت عميل بحث على غوغل واعتمد مواقع معروفة بسمعتها مو مجرد صفحات ع مواقع التواصل الاجتماعي لا عليها رقابة ولا حساب ..

بدوبارة أي موضوع ما كنا على علاقة مباشرة بالطرف المعني بالمقالة بتلاقو بآخر المقالة في رابط للمصدر مع أسمو ويومياً بتم رفض كتير من المواضيع كونها تفتقر لمصدر محترم.

ملاحظة: استفتاحية المقالة كانت لغرض شد الانتباه واثبات انو البعض لن يقرا وسيأخذ العنوان وسيتصرف بناء عليه .. وليس الغرض منه الاساءة لاحد.

اذا وصلت لهون حاول ما تكشف الموضوع بسرعة ضمن التعليقات, وعميل تاغ لرفيقك شوفو بيقرا أو عالماشي بياخود المعلومة.