13 فكرة لازم تتخلى عنها فوراً!

0
3189

بدك تنجح؟ 13 فكرة لازم تتخلى عنها فوراً! أحياناً، لحتى تكون شخص ناجح وتقرب أكتر من الشخص يلي طول عمرك بتتمنى تكونه، لازم تكون رشيق وسريع، بمعنى أوضح تخيل معك شنتاية، مرافقتك وين مابتروح، هي الشنتاية فيها كتير أمور أساساً مابتعرف اذا رح يلزموك ولا لا، فمقالتي اليوم رح تخليك تبدا تخفف حمل هالشنتاية عليك لتكون انشط وأسرع بتحقيق يلي بتطمح اله.

  • تخلى عن العادات الصحية السيئة اي شي حابب تحققو بالحياة رح يبدا من هالنقطة، وحط ببالك نقطتين كتير مهمين وهنن: نظام الغذاء الصحي الرياضة والحركة اليومية
  • تخلى عن الخطط قصيرة الأجل الحياة رح تعيشها مرة وحدة، اذا عشتها صح صدقني مابدك حياة تانية. الناس الناجحين دائماً عندهم خطط طويلة الأمد، خطط لبعد 10 أو 20 سنة بحطوها مرة وحدة وبركزو عليها، وهي يلي بتبني خططهم قصرة الأمد بكون وقت يكون عندك الخطة العريضة كتير سهل تجزئها بس كتير صعب العكس.
  • تخلى عن نظريةضروب وهروب أبداً لاتفكر تلعب ع الصغير، دائماً فكر ع كبير، فكّر تغيّر، إن كان مجتمعك أو كلشي حوليك، مارح تقدر تحترم حالك اذا ماغيرت واطلقت العنان لنفسك بتحدي أكبر بكتير منك.
  • تخلى عن التبريرات والأعذار أنت مسؤول عن حياتك، مابهم ابداً كيف وايمتى بديت، ولا شو نقاط ضعفك أو حتى المحاولات الفاشلة يلي مريت فيها من قبل، لازم تأمن ببكرا كـ واقع ونتاج الحاضر يلي عم تعيشو هلق وتتحمل مسؤوليته، بس يصير هالشي مارح تسمع لنفسك تحط اي عذر. أنت مانجحت بالامتحان لأنك مادرست، مو لأنه الأسئلة صعبة، في فرق كتير كبير.
  • تخلى عن عقليةأنا هيكأصحاب هي العقلية، بيعتقدو أنو ذكائهم وخبرتهم يلي حصلو عليها هي ثوابت أساسية مابتتغير، واعتمادهم عليها بتضمنلهم النجاح من دون أي تعليم أو تطوير ذاتي اضافي، وللأسف هدول غلط! الناس الناجحين بتعرف شي واحد بس، وهو انهم بيقتطعو يومياً من وقتهم فترة ليطورو حالهم فيها وينمو خبراتهم، ويتعلمو مهارات جديدة لتحقق منها فائدة لحياتهم.
  • تخلى عن فكرةالعصاية السحريةالله وكيلكم مالها موجودة! اي شي بدك تحققو بحياتك مابصير فورآً، متل أي شي بتزرعو، بدك تعتني في وشوي شوي بيكبر ليعطيك النتائج يلي تعبت مشاتها. لازم تخطط لمستقبلك من اليوم وتركز أنك تحقق كل يوم منو 1٪
  • تخلى عنتطريز الفن Perfectionism “ طبعاً محسوبكم لازم يفهمها قبل اي واحد منكمللأسف مافي شي بهالدنية رح يكون زابط 100٪ حتى لو فنيت عمرك وأنت عم تزبطو. دايماً خوفك من الفشل، أو حتى خوفك من النجاح بيمنعك نعمل الخطوة الأولى وتطلق الشي يلي عم تعملو للعالم، بحجة أنك شايفولسا بدو تزبيطبس صدقني فرص كتير مهمة عم ضييع ومالك شايفها خلال هادا الوقت.
  • تخلى عن فكرة انو فيك تشتغل 100 قصة بوقت واحد في مقولة كتير بحبها بتقوللن تصل هدفك أبداً، إذا توقفت ورميت الحصى على كل كلب ينبح عليك في الطريقالشخص الناجح بيعرف تماماً انه عنده شغلة معينة، بس يبدا فيها مابيدخل اي تاسك تاني معها، هادا الشي الوحيد للوصول لأكبر تركيز ينهي المهمة بشكل اسرع وأدق.
  • تخلى عن فكرة انك قادر تسيطر ع كلشي حوليك فوراً ومن دون اي مناقشة، أي شي أنت متأكد انو في شي مالو من اختصاصك ومالك قدران تتحكم فيه لاعاد ضيع وقتك معو، سلم المهمة لشخص تاني وخليك بالأمور يلي بس أنت بتفهم فيها وقادر تسيطر عليها. للأسف كتير وقت عم ضيعو اذا ماعملت هالشي فوراً.
  • تخلى عنالمسايرةوتعلم تقوللالأي شي مابيخدم هدفك طريق النجاح دايماً مفتاحه كلمةلالازم تتعلم تقولها لترفض شغل معين، أو حضور مناسبات معينة، أو حتى إنك تلتقي بأشخاص مابيخدموا الهدف يلي حياتك كلها صارت تمشي لتحققه. يمكن تقول رح اخسر كتير شغلات .. ممكن، بس على المدى القريب بس صدقني وقت تحقق يلي بدك يا، رح تتأكد أنو كانت مستاهلة.
  • تخلى عن الرفقة والصحبة يلي مابتفيد قل لي من تصاحب أقول لك من أنت، فعلاً من المقولات يلي بحبها! دائماً كون قريب مع الناس يلي بتنجز، الحلوة يلي بتفرح، يلي بتحط النجاح قدام عيونها ويلي بتحسها بتشبهك، هي الرفقة بتخليك تصير متلهم وأحسن، أكبر غلط تكون مع اشخاص مالها فهمانة شو عم تعمل ولا شو هدفك بالحياة، هي الناس رح دمرك، وأكبر انجاز معهم رح يكون أنكطعميهم ختيار مسمى بلعبة تريكس“.
  • تخلى عن فكرةالناس كلها لازم تحبني تخيل نفسك سوق متخصص ببيع بس منتج معين، طبعاً في ناس بتحب هالشي، وبالمقابل في ناس بتكرهو. بس انت وقت تكون متخصص رح تقدر تعطي نفسك والناس يلي عم تتوجهلهم قيمة معينة مارح يقدرو يلاقوها وين ماكان الا عندك. وتذكر دايماً انو وجود الناس يلي بيكرهو شغلك هو شي كتير صحي ودليل انك على الطريق الصحيح.
  • تخلى عن فكرة اعتمادك على العالم الرقمي هي النقطة مالها بالضرورة متوجهة للمتخصصين بهادا المجال، بس بشكل عام منصات وسائل التواصل الاجتماعي هي داء العصر، وبعيداً انها مضيعة للوقت، اعتمادك عليهم بتحقيق أهدافك رح يحطك بخطر كتير كبير.

بتمنالكم النجاح بأي شي بتتمنوا.