100% لماهر دعبول في مشروع التخرج

86

ماهر دعبول طالب سوري تفوق بمجال الهندسة المعمارية وقدر يحصل على العلامة الكاملة (100%) بمشروعه التخرج بجامعة هانوفر بالمانيا بمشروع (اعادة اعمار سوريا)
ماهر طالب هندسة عمارة بجامعة دمشق طلع من سوريا وهو سنة خامسة وقرر يكمل دراسته بالمانيا.
بعد تعديل شهادته كان قرار التعديل يرجع سنة اولى فصل تاني، ماهر طلب يعمل امتحان شفهي مع كل دكتور للمواد الموجودة و يأثبتلهم انه بقدر يتخطى، وبعد انتهائه من الامتحانات تم توقيع قرار انتقاله لسنة التخرج.
كمل دراسته لسنة التخرج برغم كل الظروف الصعبة يلي مر فيها ماهر و قدر ينجح وحقق طموحه ورح يكمل مشواره بدراسة الماجستير
ومن خلال التجربة يلي عاشا ماهر حب يعطي نصيحة للطلاب : اصحك تفقد الأمل بحلمك وطموحك مهما سمعت من انتقادات او احباط او كلام ممكن يثنيلك عزيمتك (لغة صعبة ، فرع صعب، فرع ماله مستقبل هون….)
-اذا كنت شخص ذو طموح لازم تحقق طموحك لانو نحنا بحاجة لانثبت للعالم انو نحن شعب عظيم وقادر ينجح برغم كل الظروف يلي عم نمر فيها
ومنا كفريق دوبارة بنتمنى لماهر المزيد من التفوق والنجاح 

شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.