5 قنوات لتعليم اللغة الألمانية

0
1139

كتيرين منا عم يعانو من تعلم اللغة و كتير منسمع انو تعلم لغة جديدة صعب،أو مارح اقدر احكي لغة متل اللغة اللي خلقت عليها ، الحقيقة الاولى انو في اشخاص تعلمو لغات تانية وصارو طليقين فيها اكتر من لغتهم الأم، والحقيقة التانية مافي عمر بصير فيو تعلم اللغة أصعب.

كم واحد منا بقول ولادي بالمدرسة رح يتعلمو كتير منيح بس انا ما بقدر؟
طيب اذا قلتلكن انو العلم بقول انو الناس باعمار متقدمة عندهن قابلية لتعلم اللغة افضل لانو نحنا عقولنا عندها خبرة بآلية التعلم!

طيب من وين ببلش ؟
أنا بنصحك تبلش بشي بسيط اذا لسا ما بلشت جمل بسيطة ، مفردات ، وبعدين بلش بقواعد… في خيارات كقنوات على اليوتيوب للمبتدئين وللمستويات المتوسطة بنلاقيها هون واختارو انتو يلي بناسبكن او بتلاقو طريقة الطرح فيو ممتعة اكتر(هدول مجرد اقتراحات وفي غيرهن كتير)

١- قناة ضياء العبدالله: < الرابط >
٢- قناة Learn german with Jenny  < الرابط >
٣- قناة Easy german مواضيعها منوعة ومن قلب الشارع الالماني < الرابط >
٤- قناة Sonja hubmann < الرابط >
٥- قناة Learn german with ania < الرابط >

– النصيحة الدوبرجية انو عيش اللغة اسمعها حكيها اقرأها واكتبها وحلام فيها,اسمعوا راديو واغاني أو تفرجوا افلام مع ترجمة

– النصيحة التانية اعملو اخطاء ولا تخجلوا من الخطأ لأن الخطأ هو الأسلوب الأمثل للتعلم

– النصيحة التالتة “Geniet ervan”

[فريق التعليم]