نصائح للمنح الدراسية

0
81

اليوم حنقدم لكم مجموعة من النصائح المهمة لكل طالب وطالبة عم يخططوا ليقدموا على منحة بحيث نساعدكم تزيدوا فرصتكم بالمقارنة مع الأعداد الضخمة الي عم تقدم على منح:

1- ابحث عن المنح الدراسية المحلية الي بتكون مقدمة من (نوادي ، منظمات وشركات صغيرة) لأنه احتمال الحصول عليها بتكون دايما أكبر.
هي المنح ممكن تلاقيها أو تسمع عنها من وسائل الإعلام المحلية متل محطات التلفزيون والإذاعة ، وفيك تستخدم الانترنت بالبحث متل انك تكتب “المنح الدراسية في اسطنبول”

2- لا تحصر مجال بحثك على المنح الي بتقدم تمويل أكبر، المنح الجزئية كمان جيدة ونسبة الحصول عليها أكبر.

3- كتير من الطلاب بيتجنبوا المنح الي متطلبات التقديم عليها كتيرة، متل (مقالات ، تصوير فيديو ، مشاريع بحث)، تأكد دايما إنه هي المنح بقدم عليها أعداد قليلة من الطلبة المجتهدين و طبيعي تكون فرصتك بين 500 طالب متقدم أكبر بكتير من بين 2000 طالب متقدم.

4- نظم وقتك و تأكد إنك بتقدر تقدم على أعداد هائلة من المنح إذا أحسنت توظيف مقالة الدوافع لتستخدمها بكل المنح مع تغييرات معينة بتناسب المنحة المطلوبة ، بالإضافة لأنه تكون الأوراق الأساسية دائما جاهزة ( متل شهادة البكالوريا ، البكالوريوس ، كشف العلامات .. )

5- لا تعتمد على مقالات الدوافع الجاهزة ، استفيد من القالب العام ولا تكرر الجمل نفسها، رح تكون فرصتك قليلة اذا كانت رسالتك مكررة بالنسبة للي عم يقراها.
اعرض شخصيتك بأول المقالة و خليك مميز بأسلوبك بالسرد لتقدر تلفت انتباه اللجنة الأكاديمية.

6- استوفي كل المتطلبات وجاوب على كل الأسئلة المطلوبة بدقة ووضوح ، فإذا كان مطلوب منك تحكي عن خمس أشياء معينة و انت حكيت عن أربعة بس ، بالنتيجة ما وصلت لل target المطلوب وبالتالي بتخرج من قائمة المؤهلين.

7- التزم بالحد المذكور في عدد الكلمات ، حاول إنك تصل لأقصى حد ولكن لا تتجاوز المطلوب.

8- دقق مقالتك و أجوبتك على الأسئلة بشكل كامل ، الأخطاء الإملائية و القواعدية الها دور كبير بتعزيز فرصتك للحصول على المنحة أو خسارتها بشكل كامل. اعرض المقالة على أكبر عدد من أصدقائك أو أقربائك ، الآراء المختلفة بتساعدك تشوف من كل الزوايا.

9- لا تتكاسل أو تتراخى مع الوقت ، قدم بأسرع وقت ممكن.

10- لا تستسلم ! آخر و أهم نصيحة ، تأكد دائما إنه المنح الدراسية متلها متل معظم التحديات في الحياة، الفائزين الحقيقين فيها هم الأشخاص الي حاولوا بجهد.

شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.