مهنة البحث عن عمل

138

#هل_تعلم صديقي العاطل عن العمل “ان البحث عن عمل هو عمل بحد ذاته”

وبالتالي بيستوجب عليك دوام نظامي بحدود الـ 8 ساعات يومياً لمدة 5 ايام اسبوعياً
” وأكيد لا مانع من الـ over time والاعتماد على يوم اجازة واحدة ..

الامتناع عن الالتزام بهي الأمور مالح يعطي النتائج المرجوة ..
لأنو بالنهاية الشي يلي حتاخدو من هي الوظيفة هو العمل يلي بيجي مع راتب ..

وبرأيي هي من أصعب الوظائف وبيعطي خبرة كبيرة لكتير من الأسباب (في حال الالتزام):

– بقوي مهارات البحث والتحليل عندك.

– بتزيد معرفتك بلغة ومصطلحات المجال الخاص فيك, بحيث لح يطلعلك مصطلحات غريبة بعمرك مو سمعان فيها ومذكورة كـ طلاسم فينيقية ع الامور المطلوبة للشاغر يلي عم تشوفو

– لما بكون عندك نقص بمجال معين وعم تشوفو مطلوب بكل الشواغر لح يحفزك تتعلم لتضيف خبرة جديدة لسيرتك الذاتية

– بنمي عندك مواهب الابداع والتفكير العملي بحيث تبتدع طرق جديدة لتميز نفسك وانت عم تقدم عالوظيفة.

– بتطور مهاراتك الكتابية من حيث المراسلات والـ cover letters يلي بتعملون

– بساعدك ع تنمية مهارات التواصل والـ social networking بحيث ممكن تشوف شاغر بخص صديق الك او شخص بتعرفو عم يدور ع شغل .. بتعملو تاغ .. وهو بدورو لما بشوف شي بيعملك تاغ وهيك بتزيد فرص انك تشوف شواغر .. غير انك بتصير بتتحركش ابن خالة بنت عم ابن احما عديل بنت جيران رفيق اخوك لحتى يشفلك فرصة بالشغل عندو ..

– الصبر … مافي داعي احكي لحالك حاسس فيها ..

– الالتزام والدقة: وهي من أهم الامور يلي حتفيدك لاحقاً بحياتك العملية.

فيك تبلش من موقع دوبارة www.dubarah.com لتدور ع شغل وتعمل تاغ وشير لرفقاتك .. بس المهم وتبدا وتلتزم ..

لكل يلي وعدتهم بموضوع كيف تكتب سيرة ذاتية وبعض الامور التانية المتعلقة قريباً حيتم اضافتها ع موقع دوبارة ونشرها عالسوشال ميديا .. خليكم متابعين