منحة الداد لماجستير السياسات العامة والحوكمة

581

منحة جديدة من منظمة الداد تحت برنامج هيلمت شميدت وبالتعاون مع ٨ جامعات ألمانية لدرجة الماجستير في السياسة العامة والحوكمة (في كتير اختصاصات).

المنحة كاملة بتغطي الرسوم الجمعية والتأمين الصحي وتكاليف المعيشة ويلي بميزها عن غيرها انو بتشمل العائلة والأطفال.

التقديم حيكون بشكل مباشر للجامعات المشاركة بالبرنامج.

شروط التقديم:

  • اهتمام بمجال السياسة العامة والحوكمة.
  • شهادة البكالوريوس (شهادة جامعية) لا يزيد عمرها عن ٦ سنوات.
  • إثبات كفائة للغة بالإنجليزي أو الألماني (حسب البرنامج يلي بتقدم عليه) لا يشترط البرنامج شهادات لغوية متل الايلتس والتوفلبس اذا الجامعة يلي مقدم عليها طالبتها فبتصير مطلوبة.
  • سيرة ذاتية مفصلة وموقعة باليد.
  • رسالة تحفيز موقعة باليد (Motivation letter).
  • رسالتين توصية من مدراء سابقين أو دكاترة بجامعتك.
  • تعبئة فورم الداد محدد فيه جامعتين فقط ومرتبين حسب الرغبة مع شرح موجز كتير ليش اخترت كل وحدة منهم.
  • الطلاب المقيمين في ألمانيا لمدة أكتر من 15 شهر ما بحقلهم يقدموا.

آخر موعد للتقديم:  ٣١ يوليو / تموز ٢٠١٨

لمعلومات تفصيلية والتقديم عبر الرابط

الجامعات المشاركة بالبرنامج مع الاختصاصات:

  • LEUPHANA UNIVERSITY OF LÜNEBURG Public Economics, Law and Politics
  • UNIVERSITY OF PASSAU Master of Governance and Public Policy
  • UNIVERSITY OF POTSDAM Master of Public Management (MPM)
  • UNIVERSITY OF APPLIED SCIENCES OSNABRÜCK Master of Management in Non-profit Organisations
  • HERTIE SCHOOL OF GOVERNANCE Master of Public Policy (MPP)
  • UNIVERSITY OF DUISBURG-ESSEN Master of Development and Governance
  • WILLY BRANDT SCHOOL, UNIVERSITY OF ERFURT Master of Public Policy (MPP)
  • UNIVERSITY OF OSNABRÜCK Master of Democratic Governance and Civil Society
شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.