كيف تتعلم اللغة الفرنسية؟

0
2014

أولا رح نقتبس بعض الجمل أو ( الشائعات )  اللي منسمعها أو بينصحونا فيها الناس لما نطلب أو نسأل كيف رح نتعلم اللغة ؟ ورح نقول اذا كانت صح أو خطأ ولماذا ؟

أول جملة ( الحوافز ، هي الأكثر أهمية ) يعني يكون عندك حافز ورغبة بتعلم هي اللغة .. وهي أكيد جملة ونصيحة صحيحة بس كمان لازم نجمع معها  ( المتعمة : بتعلم اللغة ) بعتقد اذا بدك تتعلم لغة أو شو ما كان .. لازم يكون ممتع وبسيط ومهم وحتى مضحك قدر الامكان وبالنسبة للحوافز يكون عنا أهداف مثل على سبيل المثال انو بدنا ندرس بجامعة فرنسية أو نشتغل .

والجملة الثانية ( في طريقة سحرية لنتعلم اللغة الفرنسية أو كتاب لتتعلمو اللغة الفرنسية ل ٥ أيام ) هي اكيد جملة خطأ .. صحيح انو الطرق والوسائل تطورت ولكن مافي ايا وسيلة  تخليك تحكي فرنسي بمدة شهرين او ثلاثة بطلاقة .. أو مثال حدا يقلك لازم تسمع فرنسي بس وبدون ما تستغل او تدرس رح تصير تحكي فرنسي لمجرد انك سمعت فرنسي لازم تحكي حتى تتعلم تحكي ولازم تكتب لحتى تتعلم الكتابة .. نصيحة ابتعدوا عن هي الاشاعات وهي البرامج لأنو ممكن تتعلمو بطريقة غلط .. واذا كان في طريقة عجبتكم واقتنعتوا فيها اطلبوا رأي الاساتذة او الاشخاص الفرنسيين .. الشي  الحقيقي والوحيد ليصنع هالسحر هو انت .. وكمان منسمع انو الاطفال بيتعلموا اسرع من البالغين وهالشي صحيح لأنو عقل الاطفال عم يشتغل أكتر .. يعني بالنسبة للاطفال ممكن يتعلمو لمجرد انهم يسمعوا اللغة بينما البالغين من المستحيل انك تتعلم بدون ما تشتغل انت ع حالك ( القواعد واللفط والقراءة والكتابة ) .

القواعد .. لازم ما تعتبر القواعد هي عدوك اللدود وانها صعبة او مستحيلة بالعكس هي اللي رح تساعدك لتفهم وتتعلم اسرع .. اما النظريات هي غاية بحد ذاتها لا هي طريقة كمان من بعد طرائق والطريقة الجيدة لازم تجمع بين الممارسة والقواعد والنظريات يعني بدون القواعد اكيد مارح نقدر نحكي بطريقة صحية ولا رح نقدر نطور المعلومات  اللي عنا .

الجملة اللي بعدها ( الطريقة ليست مهمة ) وهي اكيد خطأ لازم تختار طريقة تناسبك يعني ماعم نحكي انو اذا منتعلم من كتاب ولا ع الانترنيت وحدة من الاثنين رح تكون احسن لا لازم انت تختار طريقتك الخاصة اللي حابب تتعلم فيها سواء كان طفل او بالغ وكمان في ناس بتعلم اسرع من ناس .. يعني الطريقة لازم تناسب حاجاتك وأهدافك أو تطور شخصيتك او مستواك وحسب امكانياتك المهم تلاقي الطريقة اللي تناسبك.
( تعلم اللغة الفرنسية بسهولة او بدون أي عمل ) من خلال سماع اللغة الفرنسية وانت نايم مثلاً ، او بس تروح تحضر دروس ولما ترجع ع البيت ما تشتغل ع حالك ، أو تبقى خايف من انو تحكي خطأ ، هالشي مستحيل يخليك تحكي فرنسي،  لازم تسمع وتحكي وتقرأ وتكتب وطبعاً التواجد بالبلد اللي بدك تتعلم لغتوا بيساعدك كتير لانو بكل مكان رح تلاقي ناس تطبق معها كلشي عم تدرسوا .

يعني لحتى تتعلم لغة لازم يكون عندك حوافز مع القليل من المتعة والممارسة واختيار الطريقة الصحية لتتعلم فيها اللغة وطبعاً اللي بتناسبك أكتر شي ويكون في عندك اهداف واسباب وتكون نشيط دايماً وصبور .

وبالنسبة للتعلم اللغة ع اليوتيوب انا بنصحكم بهي القنوات اللي في منها بيشرحوا بالعربي ومنها بيشرحوا بالفرنسي ، طبعاً الشخص المبتدأ يبلش بالعربي اكيد اسهل اما اللي بيحس حالو عندوا مستوى A1 يبلش يسمع بالفرنسي

French Free TV

Learn French

French 4 Arab

Francais avec Pierre

Français Authentique

Ohlalai Speak French

Imagiers French

وفي عندكم مواقع ع الانترنيت لتتعلموا فيها الفرنسي مثل bonjour de France و France facile وهدول الموقعين عملياً ممتازين وفيك وفيهم كلشي قواعد سماعي , وهي قائمة لاكثر من ٨٥ موقع لتعلم اللغة الفرنسية : اضعط هون

اما بالنسبة للكتب .. دايما مننصح قاموس لاروس عربي فرنسي و فرنسي فرنسي .. وعندكم كتب ال defl بكل المستويات و القصص والروايات هي كلها بتساعد انو تتعلموا فرنسي

وأخيراً بعد كل يوم دراسة حاولوا ولو تحكوا مع ايا حدا فرنسي فيكم تطلعوا ع المحلات او عند البنوك مثلا او تجربوا تروحوا ع مواعيدكم لحالكم .. وتعتمدوا ع حالكم وحتى لو شات ع النت بيمشي الحال المهم تحكوا او تكتبوا

اخيراً انا بنصحكم بالقواعد لانو كلشي مبني عليها. وبتتعلموا تحكوا صح وتشكلوا جمل صح . صح اصعب شوي وبتاخد وقت اكتر  بس طريقة فعالة جداً وكمان الجمل الشكلية والأسئلة المعتادة فيكم تحفظوها متل اساميكم  يعني مو منطق ابداً ترجع ع القواعد لحتى ترتب جملة كيف حالك ؟

وهي كل النصائح والشغلات اللي انا عملتها لحتى تعلمت فرنسي خلال سنة وصرت اقدر احكي واتفاهم وناقش مشاكلي مع ايا حدا فرنسي وحتى لهجتي لا تفرق عن الفرنسيين لاني بلشت بالقواعد وبشكل عام الاي بيدرس وبيشتغل ع حالو بيتعلم اسرع.

فريق [دوبارة فرنسا]

شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.