صوت لصبحي شاكر في نهائي Asia’s Gof Talent

1217

صعوبات الحياة وهمومها بكتير أحيان بتفرض علينا نتخلى عن أحلام وأشياء كتيرة ممكن تكون الأجمل بحياتنا كرمال نقدر نعيش !!

بس في ناس بتذلل كل الصعاب اللي بتمر فيها وبتعمل منها سلم تصعد من خلاله نحو القمة ..

وهيك صار مع صبحي ..

 

صبحي شاكر شاب سوري من حلب من مواليد الـ93 تخرج من جامعة دمشق (كلية التجارة والاقتصاد) وعندو ولع كبير بألعاب الخفة ؛ هالشي دفعه لانو يتعلم من خلال اليوتيوب مهارات خفة اليد والخدع بالورق (الشدة) وهالشي بلش معه من 4 سنين

اشتغل ع حاله فيهم كتير وطور من حاله وتعلم لحد ما وصل لمستوى يستحق الثناء والدعم عليه.

من سنة و4 شهور صبحي اضطر يحمل أحلامه وطموحاته ويغادر سوريا وكانت وجهته ماليزيا .. لينصدم بواقع صعب وبصعوبة المعيشة على كافة الأصعدة ببلد متل ماليزيا.

رغم كل المشاكل والصعوبات اللي واجهته بماليزيا صبحي ما استسلم بالعكس هالشي زاد اصراره وعزيمته ليقوي موهبته بألعاب الخفة ويوصلها لكل العالم ؛ فكان يتدرب كل يوم بالليل بعد مايخلص شغله وحتى صار يستغل اي وقت فراغ عنده بالتدريب،

وبالنهاية صبحي قدر يقرب كتييير من الوصول لحلمه الكبير من خلال مشاركته ببرنامج المسابقات Asia’s Got Talent

وأكيد المشاركة بهيك مسابقة ماكانت سهلة بنوب وتخللتها كتييير من الصعوبات والمشاكل كون سوريا مو من دول جنوب شرق آسيا وكمان مرة وقف بوش كل المصاعب وصار أول سوري بشارك بهي المسابقة وبيوصل للجولة النهائية باستحقاق تام..

صبحي ابن بلدنا ولحتى يتحقق حلمه ويفوز باللقب هو بحاجة لدعمنا لأن فوزه صار بيعتمد على عدد الأصوات اللي بيكسبها.

أكيد مارح نترك ابن بلدنا ورح نوقف معه ليوصل لحلمه اللي تعب كتير لحتى يوصله

صبحي بيستاهل يفوز .. للتصويت :

  1. عن طريق تطبيق مسنجر على الرابط:
    https://www.facebook.com/messages/t/asiasgottalent

    ملاحظة: اذا لم يعمل الرابط يمكنكم الذهاب الى صفحة Asia’s Got Talent ثم الضغط على رسائل الصفحة واتباع الخطوات الموجودة على الشكل التالي: اختيار اللغة ← تشغيل الـ GPS أو كتابة اسم البلد الموجود فيها ← اختيار المتسابق ثم الضغط على زر VOTE الموجود تحت اسم وصورة المتسابق ← تحديد عدد الأصوات: https://www.facebook.com/asiasgottalent/
  2. أو عن طريق كتابة منشور على صفحتك على فيسبوك باستخدام الهاشتاغ #AGTVote23
  3. أيضاً يمكنكم التصويت عبر التعليق 3 مرات على كل بوست على صفحة الفيسبوك الخاصة بالبرنامج باستخدام الهاشتاغ: #AGTVote23

التصويت بينتهي يوم الأربعاء الساعة 6 مساءاً بتوقيت سوريا. بحقلكم تصوتوا كل يوم 10 أصوات.

بروفايله: https://www.facebook.com/subhishaker

العروض التلاتة يلي قدمها صبحي:

  1. https://www.youtube.com/watch?v=ZWutMU_CMKY

2.https://www.youtube.com/watch?v=ToOKMGk1QAI

  1. https://www.youtube.com/watch?v=Fa3ce6pJ0rM&t=186

[فريق ماليزيا]

بواسطةLoujayn Shalabi
شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.