صبايا الأمل في لبنان

295

ايه – ضحى – تسنيم – بيان بنات سوريات عمرن ماتجاوز الـ٢٠ سنة عندن امل كبير بانهن يساعدو الناس رغم كل شي ظروف صعبة و بأبسط الامور …

من حوالي تلت سنين تقريباً اجت فكرة ببال والدة بإنشاء معرض رسم بساحة المخيم بلبنان لتساعد الأطفال السوريين بالمخيمات بشي مفيد وبالفعل تجاوبوا معها ومن هالمعرض قدروا يبعتوا اللوحات لبريطانيا عن طريق جمعية تكفلت بهي الأمور ومن خلال بيع اللوحات قدرو يوزعو مساعدات غذائية لـ ٢٥عيلة سورية وامنوا أدوية لشخصين ماعندن قدرة مادية بالاضافة انهن دفعوا إيجار اربع عيل بالمخيمات اللبنانية وتبرعوا لامرأة سورية أرملة بحق بسطة صغيرة تبيع و تسترزق منا واشتروا اقلام ودفاتر لـ ١٢ طفل بالمخيمات ..

وحالياً عم يحضرو معرض عن حقوق الطفل والتسول …

كل المحبة والاحترام الهم .. فعل الخير ممكن يبلش بفكرة بسيطة ويكبر بس المهم الواحد يبدأ والعجلة لحالها بتدور.

[فريق لبنان]

شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.