دليل دوبارة لتعلّم الانكليزية

2635

كتير منا بيعاني من موضوع اللغة الانكليزية وعلى قد مابنشوف مواضيع وكتب وكيف تتعلم الانكليزية بـ ٥ ايام ضعنا وتشتتنا لهيك بالبداية رح انصحكن كم نصيحة:

لحتى نبدأ بداية صحيحة بدنا نعرف شو هو مستوانا باللغة في كتير مواقع اون لاين بتقدر من خلالها تختبر مستواك اللغوي .. طبعا المواقع بتحدد المستوى بشكل تقريبي مو بشكل دقيق لانو مافي اختبارات اون لاين بتشمل Speaking & Writing رح حطلكم مواقع بتقدروا من خلالها تختبروا مستواكم.

من افضل المواقع الاون لاين بشكل مجاني لتحديد المستوى:

1- موقع Bridge English

(100 سؤال، المدة 65 دقيقة، بيشمل 4 اقسام السماعي، القراءة، القواعد، المفردات)

مع نتيجة لكل قسم وهالشي كتير منيح لحتى تعرف نقطة الضعف عندك بأي قسم بالتحديد

رابط الموقع

2موقع Kaplan

(50 سؤال، بيشمل 4 اقسام السماعي، القراءة، القواعد، المفردات)

رابط الموقع

3موقع englishteststore

رابط الموقع


بعد ماتعمل الاختبار وتطلع النتيجة بتبلش شغل على اساس النتيجة وتعرف باي قسم عندك مشكلة فيه بدك تركز تفكيرك على عدة امور:

1- شو طلع مستواك (A1 – A2 – B1 – B2 – C1 – C2)

2- اي كورس بدك تشتغل عليه TOEFL/IELTS

3- شو العلامة يلي حاطها ببالك وبدك توصللها

بعد ماتجاوب على هي الاسئلة بتبلش برنامجك الدراسي مع مدة وتركز دراستك على كتب محددة مشان ماتضيع

رح حطلكم 3 روابط بيشملو الكتب والصوتيات لامتحانات الايلتس والتوفل وبالاضافة لكورسات انكلش متل فيس تو فيس وانترتشنج وغيرهم…

الرابط الاول: <إضغط هنا>

مجلد بيحتوي على اهم كتب التحضير للايلتس مصنفين حسب الاصدار (كامبردج – بارونز – اكسفورد – كولنز – لونغمان …. )  في مجلد ضمن مجلد كامبردج اسمو Cambridge Practice Tests for IELTS 1 – 12 بيحتوي كامل كتب النماذج الامتحانية تبع الايلتس من 1 لـ 12 هدول كتير مهمين ع الاقل نزلو 2 منهم كل كتاب فيه 4 اختبارات امتحانية .. واهم مصدر للايلتس The Official Cambridge Guide to IELTS

الرابط التاني: <إضغط هنا>

مجلد بيحتوي على اهم مصادر لتحضير التوفل TOEFL

اهم مصدر The Complete Guide to the Toefl Test – iBT Edition وفي نسخة للتوفل الورقي

بالاضافة لكل هدول الكتب في نقطة كتير مهمة وهي السماعي بدكن تسمعو كتييييير ممكن عن طريق افلام الكرتون بالبداية بيكون لفظن سهل وبسيط متل فيلم ICE AGE وغيرو…اسمع بدون ماتتطلع عالترجمة اذا شفت كلمة غريبة دور عليها وعيديها مرة وتنين وتلاتة لتتركز ببالك ممكن تربط الكلمات بشي موقف او شغلة لحتى تضل متزكرها

احكي مع اجانب حتى لو خربطت عادي اذا ماغلطت مابتتعلم وتصحح غلطك بالمرة الجاية.

في كتير برامج موجودة على Google play & App store فيك من خلالن تتواصل مع اشخاص من جنسيات تانية بهدف تبادل اللغات والتصحيح لبعض في حال الغلط متل Hello Talk – MeetUp – Busuu – Italk – Lingoglobe

فيكن تقرأو روايات او كتب باي مجال بيهمكن باللغة الانكليزية

وكمان فيكن تستعينوا بكتير قواميس لترجمة الكلمات يلي بدكن ياها ومن اهمن اوكسفورد/لونغمان

بالنهاية اذا مو موجودة الارادة والهمة صعب تقدر تحقق يلي ببالك …الموضوع بسيط حط هدف قدامك ولا تشوف غيرو وكون واثق ١٠٠% انك رح توصلو وماتنسى انو مافي شي مستحيل بهي الدنيا مع الارادة.

[فريق التعليم]

شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.