الفيزا التركية من لبنان

3495

كلنا سمعنا بمكتب تشاملجة يلي فتح جديد بلبنان وهو تابع للسفارة التركية في لبنان لتخفيف الضغط عن السفارة بأمور التأشيرات والفيز لتركيا …

كتير عم يسأل عن هالمكتب والأوراق المطلوبة للتقديم وشو بيعمل المكتب …  بهي المقالة حنشرحلكم شو القصة بالتحديد:

الخارجية التركية أعلنت بتاريخ ١٥/٠١/٢٠١٨عن فتح مكتب تابع للسفارة التركية بلبنان وهاد المكتب شغلتو تقديم المواعيد واستلام الاوراق وارسالها الى السفارة ليتم دراستها.

 

حنتناول معظم الاسئلة يلي عم تنسأل:

*في حال كان عندي دعوة من شخص تركي شو بيلزمني أوراق ؟

  • جواز سفر ساري المفعول
  • صورتين شمسيات
  • سجل عدلي
  • تذكرة طيران
  • تأمين صحي
  • حجز فندقي
  • كشف حساب بنك قبل ب٣اشهر


*في حال كان عندي قبول جامعي وبدي اطلع ك تأشيرة دراسة شو بيلزمني أوراق ؟

  • جواز سفر ساري المفعول
  • صور شمسية
  • تذكرة طيران
  • سجل عدلي
  • كشف حساب بنك قبل ٣اشهر
  • حجز فندقي
  • تأمين صحي
  • رسالة قبول المدرسة وشهادة الدبلوم
  • إذا كان هناك أقارب من الدرجة الأولى (اب-ام-اخ-اخت-…) اثبات النسبية مع الترجمة التركية والغرض من الزيارة او الاقامة


بالنسبة لتأشيرة العمل نفس الاوراق المطلوبة بالإضافة لوجود عقد عمل موقع من قبل مدير معتمد بالشركة وبيان من صاحب الشركة يتضمن اسم مقدم الطلب والكنية مع رقم جواز السفر والدور والراتب


*أما بالنسبة للم شمل العائلة (قرابة درجة اولى) بيلزمك الأوراق التالية :

  • جواز سفر ساري المفعول
  • صور شمسيات
  • استمارة طلب التأشيرة مع التوقيع
  • تذكرة طيران
  • سجل عدلي
  • نسخ عن الإقامة /تصريح العمل للأقارب في تركيا
  • حجز فندقي
  • سجل عائلي مترجم (يثبت العلاقة بين مقدم الطلب والشخص المقيم بتركيا)
  • كشف حساب بنك قبل ٣اشهر
  • تأمين صحي للسفر
  • إخراج قيد عائلي

*ملاحظات :

  • ترجمة كافة الأوراق الى اللغة التركية لأي نوع من أنواع التأشيرات السابقة مع دفع رسوم قيمتها ٩٠ دولار
  • اول شي بتاخد موعد بالسفارة التركية وتملأ كل شي صح بالملف وبتبعت ايميل للسفارة التركية بيتضمن اسمك الثلاثي +رقم جوازك+رقم الريفرنس يلي بيكون بالابلكيشن +إرفاق كافة الاوراق يلي عبيتها بالابلكيشن +الابلكيشن نفسو ملف pdf
  • الايميل لازم يكون باللغة الانكليزية او التركية حصراً بتشرح بالايميل عن حالك وانك حابب تقدم موعدك وتحويله لمكتب تشاملجة وبتشرح سبب استعجالك مع اضافة رقمك بعدا السفارة التركية بتدرس الطلب وبتحولو لمكتب تشاملجة والمكتب هو بيتصل فيك وبيقلك موعدك بالتاريخ كذ.ا
  • للتسجيل والحجز اون لاين عن طريق موقع السفارة
  • مافيكن تقدموا الأوراق وانتو برا لبنان الحضور شخصي للتقديم
  • عنوان المكتب : بيروت -شارع أمير البشير -بناية العازرية -الطابق الاول


موقع السفارة التركية : www.konsolosluk.gov.tr

ايميل السفارة التركية في لبنان : [email protected]

موقع تشاملجة : http://lb.visafg.com

هاد شرح مفصل عن كل شي بتحتاجوه للفيزا التركية ومكتب تشاملجة.

في فكرة كتير مهمة وهي انو في حال ماقدرتو تحصلوا على اي ورقة من الأوراق المطلوبة بدكن تبرروا السبب ورا عدم حصولكم عليها مثلا ..السجل العدلي من لبنان يحتاج لاقامة نظامية وانت ماعندك إقامة يلي بتعملو انك بتكتب ورقة بتبين فيها السبب لعدم حصولك عليها وبتقدمها مع الاوراق طبعا بتكون باللغة الانكليزية… لا تطنش أي ورقة من الأوراق المطلوبة والمذكورة حتى لو ماقدرت تطالعها.

[فريق لبنان]

شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.