الفيزا التركية من المانيا

27402

التقديم على الفيزا الى تركيا عن طريق القنصلية في برلين
اول خطوة هي الدخول على الرابط هاد https://www.konsolosluk.gov.tr/

بتكتب البلد المانيا وبعدها اقرب مدينة عليك فيها قنصلية وبتضغط على الخيارات وبتقدم طلب فيزا  

 

بعدها بتكتب معلوماتك وبترفق الاوراق المطلوبة  باللغة الالمانية:

 

  • طلب الفيزا هاد لازم تاخدو معك وقت الموعد  ووقت بتعبي معلوماتك الكترونياً اخر الشي
  • صورة عن جواز سفر فيه مدة اكتر من 6 اشهر
  • صورتين شخصيات .
  • اثبات راتب (مركز عمل او تقاعدي او عمل نظامي او قرض طلابي او….)
  • صورة الاقامة الاوربية
  • اذا طلب الفيزا سياحية بدون حجز طيران و اوتيل ما ضروري يكون مثبت الحجز يعني ما ضروري تكونو دافعين حق الحجز (او) يكون عند الشخص دعوة من تركيا ما بيحتاج هل اشياء.
  • تأمين صحي دولي بكلف ١٥€ بالسنة من ADAC بالمانيا.
  • صورة عن هوية الاقارب او الشخص يلي باعتلك دعوة مع عنوان ورقم تليفون بتركيا .

 

اخر الشي بيعطوك جدول تحدد في موعد تسليم الاوراق ممكن تاني يوم وممكن بعد شهرين حسب المواعيد

 

بعد تسليم الاوراق ودفع 60€ بينتظر الشخص 5 اسابيع وبعدها بيبعت ايميل ليحصل على اجابة من القنصلية على حالة الملف
في حال الموافقة ع الفيزا بيتطلب من الشخص يروح من وقت الاصدار لبعد بشهرين لاستلامها وبعد استلامها معو الشخص مدة 3 اشهر ليسافر

 

اهم شي انو يلي طالع بطريقة غير شرعية مالا علاقة ولا بيدفع مخالفة  اذا طلع على الجواز الازرق
في حال كان طلع على الجواز السوري للاسف بعد ما عنا تجربة


بكل الاحوال القنصلية ما بهمها اذا كان جواز سوري ولا الماني ازرق المهم بس يكون في مدة صلاحية اكتر من 6 اشهر

 

بيحسن الشخص يعطيون صور الجوازين وبس يحصل على الموافقة بيختار الشخص على اي جواز يحط الفيزا
اغلب الموافقات عم تجي للاشخاص يلي عم تدرس وعندها بطاقات جامعية او للاشخاص يلي عندها عقد عمل
اذا كان الشخص لديه دعوة من قبل شركة او شخص تركي بتخف عليه الطلبات وملفو بصير اقوى واسهل ياخود الفيزا.

بالتوفيق [فريق ألمانيا]

شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.