الفرق بين الحلم والهدف

962

بهل الظروف والأوضاع يلي عم يمر فيها معظم الشباب هالايام عم يعيشو حالة كبيرة من الضياع

بتسأل الواحد منهم انت شو بدك ؟ لوين بدك توصل بهل الدنية ؟

بجاوبك انا بحلم كون هيك وساوي هيك الخ

بترجع بتسأل طيب هدفك بالحياة شو ؟

بجاوب باستغرام ما حكيت حلمي كون هيك وساوي هيك

هون بتعرف مستوى الضياع يلي عايشينو وهون بيجي محور مقالتنافي فرق بين انو يكون عندك حلم وانو يكون عندك هدف

كتعريفات بسيطة:

الحلم: هو شي كبير مالو حدود أو سقف توقف عندومثلا متل لما تقول حلمي كون غني ومن المشاهير ويعم السلام واحسن حل مشاكل درب التبانة ووقف الحرب مع قوات فيغا !!

الهدف: هو شي محدد بدك توصل الو وبتحددو غالباً بوقت معين او فترة زمنيةيعني متل لما تقول انا خلال سنتين بدي اتخرج أو خلال ٣ سنين بدي افتح افضل شركة بمجال كذا أو اني اترفع بمجالي واترأس ادارة الشركة ..

المهم تكون عارف شو بدك شو لازم تعمل, تحطلو خطة تمشي عليها ضمن هالجدول الزمني وتمشي عليها فورا مو انت متسطح ولسا عم تخطط وخلص انا حصير هيكيعني ما لما تهدف تكون مدير بس بدون ما تنفذ وتطور نفسك حتكون مدير الفرشة المتسطح عليهامهم تقنع نفسك انو جهدك لح يعطيك نتيجة بس المهم تنفذ.

الهدف مهم يكون الو خطة عمل واضحة المعالم ومحددة بخطواتهم وشوي مطاطة لانو في عندك عوامل خارج عن ارادتك ممكن تصير لهيك بدو يكون عندك خطة بديلة تحسباً لاي طوارق بس هي الخطة البديلة بدها توديك لنفس الهدف والنتيجة يلي حاططهم.

منجي هلأ لحالة الضياع التامانا مو عارف حط هدف لحياتي

هون بدنا نفكر شو النتيجة يلي حابب تشوفها لحياتك مثلا انك تكون شخص ناجح

بتشوف هون حالك انت مميز بشو ؟ شو أكتر شي بتحبو وبتحس حالك لو اشتغلت فيها واتقتنها ممكن تأبدع وومكن تنجح؟

ببساطة بتمسك ورقة وقلم وبتفتح غوغل مثلا لتشوف انت لتتقن هالشي  شو بدك شو بيلزمك …(خلونا نحط مثال البرمجة)

بتشوف الكورسات والورشات التدريبية يلي بتلزمك لتتعلم البرمجة وتتقنها, وشو الوقت اللازم لكل مرحلة من هي المراحل

بعدين بتحط خطة عمل تانية حتى تشوف كيف ممكن تطور من نفسك وتقدم نفسك ضمن سوق العمل مثلا تدخل كمتدرب (ولو بشكل مجاني) ضمن شركات كبيرة لتكتسب خبرةتساعد مبادرات حوليك لناس مبادرتها بتحتاج مبرمج متطوع معها

هالمرحلتين المفروض ما يتجاوزو فترة سنة ونص المفروض بالكتير سنتين … (هالحكي لمثالنا .. ممكن يكون هدفك بيتطلب وقت اقل أو أكتر حسب المتطلبات)

بتجي بعدها الخطة الجديدة, انك تتوظف بشركة وانك تتحول لمدير بعد فترة معينة (كمان بتحط مراحل وبتشوف شو المتطلبات لهل الشي) حتقلي بس هدول صارو ٣ اهدافحقلك ممكن بس مجموعهم بشكل هدف مبهر لحياتك وبشكل طبيعي لشخص كان بمرحلة معينة ضايع يجزء هدفو لمراحل لحتى يحس بطعم النجاح بكل وحدة فيهم ويكون دافع الو انو يكمل مو يوصل لهدف واحد ويرجع ينام بعدهاالاستمرارية بوضع اهداف جديدة لحياتك كل ما تحقق هدف هي سمات الشخص الناجح.

المهم يكون عندك هدف صريح وواضح الملامح وما يتحول لمجرد حلم, انت لما بتطلع من بيتك ما بتنزل هيك بشكل عشوائي بدون ما تعرف لوين بدك تروحبدك تحدد هدف ومكان توصلو حتى تحسن ترسم الطريق يلي بدك تسلكو.

حط تذكيرات ع موبايلك او المفكرةع باب البراد لتذكرك بهدفك يلي بدك توصل الو.

واستعين بصديق يكون معك ويساعدك على التخطيط وتذكيرك بالخطوات للوصول لهدفك, لا تخجل من طلب المساعدة كتير ناس فشلو لانون خجلو يطلبو المساعدة, بس حدا يساعدك حيجي يوم وتساعد فيه غيرك لتضل هي العجلة عم تدور.

لا تكتفي بهي المقالة وحاول تقرا اكتر عن الموضوع وكيف تخطط لهدفك.

شارك هذا المنشور
مؤسس مشارك في دوبارة و مدير العمليات