العم معروف

0
1221

كتير منا صار ببلد بيحكي لغة تانية وعم يواجه صعوبة بتعلم اللغة وفي بعض الناس بتوصل فيهون الحال لليأس وهاد اكتر شي غلط
ممكن يكون السبب جو المكان او ضغوط نفسية او مشاكل شخصية رغم كلشي الواحد منا ما لازم يستسلم ويواجه كل الضغوط ليوصل للهدف يلي عم يتعب كرمالو…

محدا يقول انا لحالي ما بقدر ، كلنا معك اسأل وتعرّف وبتشوف كمية الناس الاجابية يلي ممكن تساعدك وتكون معك

حابيين نشاركون قصة نجاح ممكن بنظر كتير من الناس هية صغير وبنظر ناس تانيين هية كتير كبيرة
بطل حكايتنا اليوم المهندس معروف عليا .. اكبر من كتير شباب يأست ووقفت وبطلت تتعلم لغة ونسيت هدفها!!

المهندس معروف عليا من مواليد 1946 م ، يعني عمرو 71 سنة
قدر بفترة تقريباً 8 اشهر ينهي مستوى B1 باللغة الالمانية بمدينة Marl الالمانية
العم معروف مانو مجبور يشتغل بالمانيا ومخلص دراسة بس مشان يتقرب من الناس بالبلد يلي عايش فيها اتعلم اللغة وعم يحاول يتقرب من الناس شوي شوي وبدأ باللغة.

الشباب يلي اعمارون بالـ 30 عم يقولوا بعد هل عمر نتعلم لغة !! اي تعلم لي لا ؟ شو يلي مانعك ؟ كلشي مأمن ولمصلحتك ، مافي شي مستحيل ابداً, بس المهم تبدأ.

خلي قصة العم معروف ببالك وتذكر دائماً هو وغيرو كتيريين نجحوا وتخطوا مرحلة اللغة وخلي عندك حافز على هدف ابعد من اللغة

بالتوفيق للجميع [فريق ألمانيا]