الدراسة في جامعة Western University بكندا

1476

اليوم جبنالكم خبر كتير حلو ومفيد بالنسبة للناس اللي عم تطمح تطلع تكمل دراستها بكندا ..
خبرنا اليوم بيحكي عن جامعة ويسترن بكندا Western University واللي تعتبر وحدة من أفضل 10 جامعات بكندا وبتوفر اكتر من 400 تخصص أكاديمي.


الجامعة تأسست عام 1878 وهي تاني اكبر وأجمل حرم جامعي بكندا.
الحلو بهي الجامعة انها بتسمحلك تاخد قبول مشروط ؛ يعني ممكن اذا استوفيت شروط القبول بالجامعه وبقي عندك شرط اللغة الانجليزية فالجامعه بتعطيك قبول مشروط بحيث بامكانك الانضمام لصفوف الجامعة ضمن الاختصاص اللي اخترته بعد ماتدرس اللغة الانجليزية بالمعهد التابع للجامعة ..

الخبر الحلو انو فريق جامعة ويسترن قرر يساعد الطلاب وبشكل مجاني للحصول على قبول مشروط سواء ببرامج البكالوريوس او الدراسات العليا.

ملاحظة صغيرة: هاد الفريق متخصص بالاجابة عن كافة أسئلتكم اللي بتخص موضوع القبول المشروط او عن اختصاصات الجامعة بس ماله أي علاقة بالأسئلة اللي بتخص الفيز الدراسية او الهجرة واللجوء

توضيح بسيط: هي مو منحة جامعية وإنما هي عبارة عن فريق بساعدكم بتحصيل قبول جامعي مشروط ومجاني وبساعدكم بالاجابة على كافة أسئلتكم اللي بتخص الجامعة ( الاختصاصات والبرامج …. الخ ) لكن تكاليف الدراسة والمعيشة وهالقصص رح تكون عالطالب نفسه ..

و اذا كنت من المهتمين بشكل جدي فبامكانك زيارة صفحات الفريق ع  منصات التواصل الاجتماعي وطرح أسئلتك سواء باللغة العربية او الانجليزية وفي حال كنت بحاجة لتتواصل مع حدا من الجامعة كمان الفريق بيقدر يساعدك بهالشي ..

منصات التواصل الاجتماعي التابعة للفريق:


Facebook

Twitter

Instagram

شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.