البدل وسند الاقامة للسوريين في لبنان

3637

الموضوع مهم بالنسبة لكتير من الشباب بالفترة الحالية الا و هو موضوع البدل وسند الاقامة

شو الاوراق المطلوبة ؟ وشو لازم اعمل بالبداية ؟؟ وكل هي الامور رح نشرحها بالتفصيل:

بالبداية بيلزمنا نطالع حركة قدوم ومغادرة سوريا مصدقة من الخارجية (هي الورقة منطالعها من سوريا )

أما بالنسبة للأوراق يلي بنعملن بلبنان هنن :

*حركة قدوم ومغادرة لبنانية (غير مطلوبة حالياً من السفارة السورية)

*صورة عن جواز السفر او الهوية

*صورة عن كرت الإقامة والدخول

*صورة عن القسيمة السورية (لونا ازرق)

*صورة عن الاقامة اذا كانت الاقامة على جواز السفر

*٣صور شخصية

*١٢٥$ للتقديم ع السند الاول

*حجز موعد بالسفارة السورية


بتقدم هي الاوراق للسفارة وبعد اسبوع من تقديمها بتستلم السند وبتبعتو على سوريا ليتصدق من الخارجية السورية بعدها بتاخدوا على شعبة التجنيد طبعا يلي عم يشتغل بهي الأوراق بسوريا المفروض يكون احد والديه او اخ او وكيل قانوني عنه

بس يوصل السند على شعبة التجنيد بيطلب من الوكيل إحضار حركة قدوم ومغادرة جديدة من الهجرة والجوازات موجهة الى شعبة التجنيد وطبعا لازم يكون في صورة عن دفتر العسكرية وصورة عن الهوية وصورة عن هوية الوكيل.

نقاط هامة:

– في حال كان آخر تأجيل للعسكرية مهلة سفر لأي شخص خارج القطر ليس بحاجة انو يستنى ٦ أشهر متواصلة خارج القطر.


– اذا كان حاصل قبل السفر على أي تأجيل دراسي – اداري – معيل – الخ…. بحاجة الى 6 اشهر متواصلة خارج القطر.


– اذا كان تأجيله الأخير مهلة سفر المعاملة بدها وقت قريب الاسبوعين.

– أي تأجيل آخر بدو وقت تقريبا شهر ونص


هي كل قصة السند والامور يلي لازم تعملوها من الالف للياء في حال عندكن اي سؤال اسألو ضمن التعليقات نحن جاهزين لنجاوب
الكل والاشخاص يلي عملو هالخطوات يشاركونا بتجاربهم لنفيد بعض.

[دوبارة لبنان]

شارك هذا المنشور
دوبارة هي شبكة خدمية، تقوم على فهم مشاكل الأفراد ومتطلباتهم لابتكار أفضل الحلول المناسبة لهم، من خلال منصة الكترونية تشاركية تجمع من لديه المشكلة وبين من يمتلك الحل.