الاكتئاب عند الأطفال

142

#الأطفال هنن الشريحة الاكتر تضررا من المجتمع السوري بهل السنين يلي مضت ..

والمشكلة الاكبر انو الحياة وظروفها وهمومها شغلت الاهل اكتر واكتر عن الاطفال ..

خصوصا الناس يلي طلعت من بيوتها وخلافو .. حدا منكم وقف يوم سأل حالو يا ترى اطفالي كيف وضعهم النفسي ؟
الطفل عم يعيش قصف وقنابل او حتى يشوفها معكم عالاخبار ويسمعها بقصصكم ويسمع نقكم ليل نهار عن الوضع الصعب

يا ترى خصصت ٥ دقايق توقف ندب ع وضعكم وفكرت شو وضع طفلك ؟
هل تأقلم مع البلد او المكان يلي انت فيه هلأ ؟ هل الرحلة يلي مريتو فيها لوصلتو لمكان آمن اثرت عليه ؟

الطفل لدون ال 16 او حتى اكتر فينا نقول هو عبارة جهاز مستقبل للاشياء يلي حوليه .. بيتشربها بطريقة يمكن ما نتخيلها ويمكن ما نحس فيها او باعراضها بشكل صريح ..

حسب كتير من الخبراء والاخصائيين غالب اعراض الاكتئاب عند الاطفال بتتلخص بالتالي:

– الانسحاب مع الاجتماعات العائلية والاصدقاء (الانطوائية بشكل عام)
– الغضب السريع وردات الفعل العصبية وخصوصاً الصوتية منها (كالصراخ ..)
– زيادة الحساسية من الاشياء المحيطة والميل لرفض اي طلب يوجه اليه ..
– تغير في عادات النوم وشهية الطعام .. نقصاً او زيادة ..
– عدم الثقة بالنفس ..
– الخمول والتعب مع انخفاض في الطاقة ..
– صعوبة في التركيز ..
– لا يشعر بالسعادة عند ممارسة بعض الامور التي تجعل الطفل سعيدا عادة ..

بس تحس انو هي الاعراض موجودة عن طفلك مننصح اول شي بمراجعة مختص لانو كتير حساس ومعقد الامر ..
بظن الموضوع سهل ومتاح لكل مين عامل لجوء باوربا او في منظمات عالمية بالبلد يلي هو فيها ..
(حنحاول توفير مختصين مع فريق دوبارة للمساعدة قريبا ضمن مجموعة اسأل دوبرجي)

الاطفال بعمر تحت ال ٧ سنوات غالبا ما تحسن تلاحظ هي الاعارض عندهم لهيك الافضل تعطيهم ورقة والوان وتطلب منهم يرسمو
الطفل غالبا بيحسن يعبر عن يلي جواه بالرسم اكتر من الكلام ..

اكتئاب الاطفال الو انواع عديدة حنحكي شوي بالعموميات نحنا ..
لهيك في حال تعذر تاخود طلفلك لعند مختص لاي سبب من الاسباب ممكن الخطوات التالية:

– حاول تقرا وتتوسع عن الموضوع من خلال الانترنت من مراجع موثوقة وتكون طبية وابتعد عن الخرافات والشعوذات ..
(موضوعنا مبني ع نصائح من اخصائيين طلبنا مساعدتهم للكتابة عن الموضوع)

– الاكتئاب هو مرض وخصوصا عند الطفل ومرض خطير لازم يتعالج مع احترامي لكل الاديان الحل مو عند رجال الدين …
الصغير مختلف عن البالغ .. بدو مختص بيفهمو وبيفهم يوصلو العلاج ..

– اهم شي الصبر, لازم ما تكون لحوح وعجول ع اطفالك بالحلول .. بدك تصبر عليه

– لا تعطي طفلك اي دوا بناء ع شي قريتو ولو طابق اعراض طفلك مليون بالمية, كل حالة فريدة بعلم نفس الاطفال

– حاكي طفلك, ركز ع احاسيسو وافكارو وسلوكياته العلاقة بين الاهل والطفل هي اساس العلاج النفسيحاول تكتر نشاطاتك مع اطفالك وتشاركون ياها حتى يطلعو من القوقعة يلي حاطين حالون فيها ويبلشو يحكولك

– متل ما حكينا عن الاكتئاب عند الكبار واستخدام العلاج السلوكي:
(تغيير الروتين اليومي, الرياضة, الغذاء الصحي ..)
اكيد هي الامور بتساعد الاطفال يلي بعانو من حالات خفيفة من الاكتئاب ..

هي المقالة هية لتنبيهك على اعراض مهمة ممكن تكون عند اطفالك .. حاول تراجع مختص ليقييم الحالة


شارك البوست ما بتعرف ممكن تفيد اهل وتنقذ مستقبل طفل سوري عم يعاني من الاكتئاب .. 

ترك الرد

Please enter your comment!
Please enter your name here